Պրոսպան (Prospan)

Հա°զ, ուրեմն՝ Պրոսպան:
Դեղաձեվը եվ թողարկման ձեվը.

Պրոսպան® օշարակ հազի դեմ
Օշարակ՝ 100 մլ սրվակում, չափիչ գավաթով, №1, ստվարաթղթե տուփով:

Բաղադրությունը
Բաղեղի տերևների չոր հանուկ (5-7,5:1) 7 մգ/մլ

Օժանդակ նյութեր. կալիումի սորբատ, անջուր լիմոնաթթու, քսանտան, բալային արոմատիզատոր (բուրավետիչ), սորբատի բյուրեղացվող լուծույթ, զտված ջուր:
2,5 մլ օշարակը 0,963 գ. շաքարի փոխարինող սորբիտոլ է պարունակում, ինչը համարժեք է 0,08 գ. հացի միավորին:
Լուծահանող նյութ. 30% էթանոլ (զ/զ):

Դեղաբանական խումբը
Հազի և մրսածության ժամանակ ընդունվող դեղ: Խորխաբեր դեղեր: Կոդ. АТС  R05C A16:

Դեղաբանական հատկությունները
Պրոսպան դեղը բաղեղի չափորոշված չոր հանուկ է պարունակում, որի դեղաբանական ազդեցությունը շնչուղիների բորբոքային հիվանդությունների ժամանակ ապացուցված և թերապևտիկորեն հաստատված է. այն հիմնվում է դրանում պարունակվող գլիկոզիդների (սապոնիների) սեկրետոլիտիկ, մուկոլիտիկ, մուկոկինետիկ, սպազմոլիտիկ և նուրբ հակահազային հատկությունների վրա: Հանուկի սեկրետոլիտիկ հատկությունը բացատրվում է բաղեղի տերևներում պարունակվող սապոնինային գլիկոզիդների ազդեցությամբ, որի սպազմոլիտիկ ազդեցության հիմքում դեղի բաղադրության մեջ մտնող որոշակի գլիկոզիդների պարասիմպաթոլիտիկ հատկություններն են: Բրոնխների հարթ մկանների և թոքերի էպիթելի β2-ընկալիչների ակտիվացումը խթանում է ադրեներգիկ
ազդեցությունները: Դա հանգեցնում է բրոնխների հարթ մկաններում ներբջջային Са2+ քանակի իջեցմանը և բրոնխների թուլացմանը: Այս գործընթացի հետ միաժամանակ, β2- ակտիվության խթանման արդյունքում, թոքերի II տիպի էպիթելային ալվեոլային բջիջները մեծ քանակությամբ սուրֆակտանտ (մակերևութային ակտիվ նյութեր) են արտադրում:
Պրոսպան դեղի ընդունումը շնչառության կենտրոնական կարգավորման վատթարացում չի առաջացնում:

Ցուցումները
Հազով և մածուցիկ, դժվար հեռացվող խորխի առաջացմամբ ուղեկցվող շնչուղիների սուր և քրոնիկ բորբոքային հիվանդություներ, սուր և քրոնիկ բրոնխիտ:

Հակացուցումները
ֆրուկտոզի նկատմամբ անընկալունակություն, դեղի որևէ բաղադրատարրի նկատմամբ գերզգայնություն

Կողմնակի ազդեցությունները
Բաղադրատարրերի նկատմամբ անհատական անհանդուրժողականություն: Դեղը սովորաբար լավ է տարվում հիվանդների կողմից, շատ հազվադեպ գերզգայնությամբ հիվանդների մոտ հնարավոր են դիսպեպտիկ երևույթներ (սրտխառնոց, փսխում, լուծ), ալերգիկ ռեակցիաներ (քոր, մաշկի կարմրում, մաշկի վրա ցան, եղջերացան, այտուց, հևոց):

Փոխազդեցությունները
Հաստատված չեն:

Գերդոզավորումը
դեղի մեծ քանակների ընդունման դեպքում (օրական դեղաչափը ավելի քան 3 անգամ գերազանցելու դեպքում) կարող է առաջանալ սրտխառնոց, փսխում կամ լուծ: Բուժումն ախտանշանային է:

Պահպանման պայմանները
Պահել մինչև 25OC պայմաններում, երեխաների համար անհասանելի տեղում:

Պիտանելիության ժամկետը
3 տարի:

Դեղատնից բացթողնման կարգը
Առանց դեղատոմսի:

Գրանցումը
Գերմանիայում գրանցման սկիզբը՝      
Հայաստանում գրանցման սկիզբը՝ 2005 թ. Պրոսպան

Օշարակ

Մինչև 1 տարեկան երեխաներին՝ 2,5 մլ-ից, օրը 2 անգամ, 1-ից 5 տարեկան երեխաներին նշանակել 2,5 մլ-ից՝ օրը 3 անգամ, 6-ից 9 տարեկան երեխաներին՝ 5 մլ-ից, օրը 3 անգամ, իսկ 10 տարեկանից բարձր երեխաներին և մեծերին՝ 5-7,5 մլ-ից, օրը 3 անգամ:

Պրոսպան դեղով բուժման տևողությունը յուրաքանչյուր կոնկրետ դեպքում որոշվում հիվանդության բնույթով և ծանրությամբ, բուժման նվազագույն տևողությունը՝ 1 շաբաթ: Կայուն թերապևտիկ արդյունքի հասնելու համար խորհուրդ է տրվում հիվանդության ախտանշանների վերացումից հետո բուժումը շարունակել ևս 2-3 օր:

Հղիության և կրծքով կերակրելու շրջանում խորհուրդ չի տրվում՝ դեղի ընդունման անվտանգության վերաբերյալ սակավ տվյալների պատճառով:

Մինչև 2 տարեկան երեխաներին նշանակել զգուշությամբ:

Պրոսպան օշարակն ալկոհոլ, շաքար և ներկանյութեր չի պարունակում: Ակտիվ բաղադրիչի՝ բաղեղի տերևների հանուկի ստացման համար որպես լուծահանող նյութ օգտագործվել է 30% էթանոլ, որը չորացման հետագա գործընթացից հետո հանուկից ամբողջությամբ հեռացվում է:

Օշարակի յուրաքանչյուր ընդունումից առաջ սրվակն անհրաժեշտ է թափահարել: Պահպանման ժամանակ հնարավոր է օշարակի թեթև պղտորում և համի աննշան փոփոխություն, ինչը չի ազդում դեղի թերապևտիկ հատկությունների վրա:

0

Հարց տվեք

To prevent automated spam submissions leave this field empty.